Chunde MOX

Зүүний үзүүрт тогтох төдийд биелдэг хүмүүний ховорхон хувь заяаг олж төрсөн хүн бүр энэ яваа насандаа
Үр удмаа төрүүлж, эрүүл саруул өсгөх
Мод тарих
Ном бүтээх
зэргийг амжуулж хийж чадвал Дээдийн дээд эрхэм гурван буяныг хийсэн гэмээн тооцох нь бий.
Үүнтэй холбоотойгоор нэгэн санал байна.

Монголын маань цохилох зүрх болсон нийслэл Улаанбаатар хот тэр дундаа Хөх Монголын үрсийг угтан авдаг ариун газар Эх Нялхсын төвд мод тарих буянтай сайхан ажил эхлэж байгаа юм байна.
Энэхүү ажилд гар бие оролцох хамт олон, байгууллага, хувь хүмүүсийг хөтөлбөрийг зохион байгуулж байгаа "Сортоо" хүүхэд залуучуудын сайн дурын нийгэмлэгээс уриалж байгаа юм.

Цагаа олсон энэхүү сайхан ажилд Чүндэгийн оюутан залуус бүгд оролцож эх орондоо мод тарих ажилд нэгдвэл ямар вэ гэсэн санал байна.
Бид эндээс юу хийж болох, мөн монголд төгсөж очоод ажиллаж байгаа Чүндэгийн төгсөгчидтэйгээ хэрхэн холбогдох, тэдгээр төлөөллөөрөө дамжуулан энэ хөтөлбөртэй хэрхэн хамтран ажиллах боломжтой байна гэхчилэн ярилцах саналтай байна.

Дэмжиж байгаа бол энэ долоо хоногтоо багтаад ажлын хэсэг /баг/ гаргаж зохион байгуулалтанд орон, мод тарих хөтөлбөрт хэрхэн яаж оролцох талаар ярилцах, санал бодлоо солилцох хүсэлтэй байна.

Бидний тариж ургуулсан мод тэнгэрт тэмүүлэн ургасныг харангаа, төгөл ногоон цэцэрлэгтээ үр хүүхдээ хөтлөн зугаалахыг яг одоо төсөөлөхөд үнэхээр сайхан биш байна гэж үү.

Мод тарих, цэцэрлэгжүүлэх хөтөлбөрийн /төслийн/ дэлгэрэнгүйг ЭНДЭЭС орж хараарай.

Санал хүсэлтээ comment хэсэгт үлдээх, chundemox@yahoo.com-д явуулах эсвэл блогт ажиллаж байгаа Дундын чат-д үлдээхийг хүсэж байна.



Дэлгэрэнгүй унших...

Чунгнамын Монгол Оюутны Холбооны дүрэм ёсоор удаах тэргүүнээ сонгох хэрэгтэй байна.

Дэлгэрэнгүй унших...

Оюуны өмнө Хаврын цэцэг шиг үзэсгэлэнтэй, саалийн саваар мэлтэлзэх сүү шиг цагаан сэтгэлтэй, Эмэгтэйчүүддээ баярын мэнд хүргээд "Санах ойн эрдэм мэдлэгээр дүүрэн, нүүрэн дисплэйн мөнхийн залуугаараа гэрэлтэн гялтагнаж" үргэлж мөнхийн үнэнч сайхан фен болон хиймэл дагуултай байхыг ерөөж, баглаа цэцгийг өвдөг сөгдөн хормой дэвсэн өргөн барьж, сүмбэн цагаан хурууг нь шунан байж үнсье ккк.


Чунгнамын Их Сургуулийн Монгол Оюутны Холбоо үүсгэн байгуулагдан үйл ажиллагаа явуулсаар багагүй жилийг ардаа орхижээ. Энэ хугацаанд оюутнууддаа зориулан соёл урлаг, эрдэм шинжилгээний олон сайхан ажлыг амжилттай зохион байгуулж байсан. Гэхдээ хэлэхгүй өнгөрч боломгүй чухал зүйл нь гэвэл Гундун болон Чунгнамын Монгол оютнуудыг орох оронтой, овоглох эцэг, харьяалагдах эзэнтэй болгож "Монгол оюутан", "Гундуны Монголчууд" гэсэн нэгэн сайхан гэр бүлийг үүсгэсэн явдал юм. Чухамхүү энэ харьяалалаар л бид бие биетэйгээ нүүр учиран танилцаж, хүний нутагт нэгнээ гээлгүй найз нөхөд бололцон, сөгдөж мухардахад нь гар тосон тусалж, өвдөж бэтгэрэхэд нь сэтгэл гарган хань болох нэгэн сайхан хүрээлэлийг бий болгоод байгаа билээ.

Ингээд Оюутны Холбооныхоо үйл ажиллагааг цаашид улам өргөжүүлж, хамтран ажиллаж, зөвхөн өөрийнхөө урдах ширээн дээрхийг биш давааны цаадах алсыг ширтэж хамтран ажиллах хэрэгтэй болоод байна.
Нэг үгээр эрдэм номын мөр хөөж боловсролын далайд залуур даран аялаж байгаа бидний "эрдмийн аялагчдын" хувьд зөвхөн хувь хүний чадвар биш багаар ажиллах чадвар илүү их үгүйлэгдэж басхүү чухамхүү энэ л чадварыг аль ч салбарт илүү үнэлэх болсон нь нууц биш болжээ. Энэ утгаараа Чунгнамд суралцаж байх хугацаандаа Оюутны Холбооныхоо үйл ажиллагаанд гар бие сэтгэл гарган оролцсноор хайрт эх орондоо эргэн очиж эзэмшисэн мэргэжилээрээ хамт олны дунд ажиллахад тань бусдыг ойлгох, хүлцэх, санал бодлоо хуваалцах мөнхүү багаар ажиллах чадварт тань тус нэмэр болно гэдэгт бүрнээ итгэж байна.

Иймээс Чунгнамын Монгол оюутан танд санаж сэдэж явдаг үзэл бодол байдаг бол, яг одоо нээлттэй хуваалцаасай гэж хүсэн энэхүү бичлэгийг хийлээ. Тэрхүү санал бодол тань Холбооны цаашдын үйл ажиллагаа өргөжих, идэвхижхэд чухал үүрэг гүйцэтгэх юм.

Иймээс нэн тэргүүнд та энэхүү бичлэгийн доор сэтгэгдэл хэлбэрээр Оюутны холбооны үйл ажиллагаанд хэрхэн яаж оролцож чадах, үйл ажиллагааг нь хэрхэн өргөжүүлэх мөнхүү Оюутны холбооны тэргүүнээр хэнийг сонгох хүсэлтэй байгаагаа бичиж үлдээнэ үү.

Энэхүү онлайн нээлттэй хэлэлцүүлгийг 7 хоног хийх хүсэлтэй байгаа бөгөөд та энэ хугацаанд идэвхитэй оролцож санал шүүмжээ бичээрэй.

Монгол Оюутан ямар оюунлаг болохыг ямар хүчтэй болохыг хамтын хүчээр харуулий. Нэгэндээ туслий, дэмжий.
БИД ЭВТЭЙ БАЙХДАА ХҮЧТЭЙ ТИЙМ ҮҮ.


Хүндэтгэсэн,
Б.Батцэцэг - Оогийноо

Дэлгэрэнгүй унших...